मेचीनगर, २१ फागुन । सुखानी आन्दोलनकासहित सात जना सहिदको तस्वीर अंकित हुलाक प्रकाशित भएको छ । सहिदका तस्वीर अंकित टिकटहरुमा आज हुलाक सेवा विभागले टाँचा लगाएको छ ।

प्रतिनिधिसभाका सभामुख देवराज घिमिरेको प्रमुख आतिथ्यतामा काठमाडौंमा आयोजित कार्यक्रममा सुखानी आन्दोलनका सहिदहरु स्व. रामनाथ दाहाल, स्व. नेत्र घिमिरे, स्व. विरेन राजवंशी, स्व. कृष्ण कुइँकेल, स्व. नारायणप्रसाद श्रेष्ठ तथा प्रसिद्ध राजनीतिज्ञ नारदमुनी थुलुङ र चिनियाँलाल सिंहको तस्वीर अंकित हुलाक टिकटहरुको प्रथम दिवसीय आवरणमा टाँचा लगाइएको हो ।

वि.सं. २०२९ साल फागुन २१ गते झापाको चन्द्रगढीबाट इलाम जेल सार्ने नाममा तत्कालीन झापा विद्रोहका पाँचजना तत्कालीन सरकारले सुखानीको जंगलमा हत्या गरेको थियो ।