झापा, १९ चैत । तत्कालीन बाहुनडाँगी गाविसका अध्यक्ष नीलकण्ठ तिवारीले सडकबाट उद्धार गरेर आश्रममा राखिएका असहायहरुको सहयोगार्थ मानव सेवा आश्रम झापाद्वारा स्थापित अक्षयकोषमा रु.१,११,१११ प्रदान गर्नुभएको छ ।

सडकमा कसैले पनि मागेर खानु नपरोस्, वृद्धावस्थामा उपेक्षित भएर कसैले बस्नु नपरोस् र मानसिक सन्तुलन गुमाएका कारण कसैले पनि भौतारिएर हिँड्नु नपरोस् भनेर मानव सेवा आश्रम झापाले मेचीनगर वडा नं. ४ बाहुनडाँगीमा आश्रम सञ्चालन र अक्षयकोष स्थापना गरेको हो ।

तिवारीले आफ्ना स्वर्गीय मातापिता हरिमाया–धनपति तिवारीको स्मृतिमा उक्त सहयोग दिनु भएको हो ।