१२ वैशाख २०८२, शुक्रवार
झापा, २२ चैत । भद्रपुर नगरपालिका वडा नं. १० निवासी भीम कुँवरको बारीमा फलेको एउटा आलुको आकार सुगाको टाउकोसँग मिल्दोजुल्दो भएपछि हेर्नेहरु झुम्मिन थालेका छन् ।
आलुको दानाको माथ्लो भागको बान्की सुगाको घाँटीदेखि माथिको भागसँग मिल्दोजुल्दो रहेको कुँवरले सामाजिक सञ्जालमा जानकारी दिनु भएको छ ।
उक्त आलु ४०० ग्रामको छ भने चराको चुच्चो, घाँटी र आँखाको आकृति पनि आलुमा देखिन्छ ।
जैविक कृषि प्रविधिमा प्रयोग गर्ने गरी उहाँले आलु हेर्नका लागि रु. ५० तिर्नुपर्ने जनाउनु भएको छ ।
कुँवर अग्र्यानिक खेतीका लागि प्रसिद्ध व्यक्ति हुनुहुन्छ । उहाँ ओडब्ल्यूडीसी प्रविधि (जैविक कृषि प्रणाली)का विज्ञ समेत हुनुहुन्छ ।
उहाँ झापाका राजनीतिक योद्धा पनि हो । पञ्चायती व्यवस्था विरुद्ध लोकतन्त्रान्त्रिक गणतन्त्र प्राप्तिका लागि आन्दोलन गर्ने क्रममा उहाँले ६ वर्ष काराबास जीवन बिताउनु परेको थियो ।
