१२ वैशाख २०८२, शुक्रवार
झापा, १९ चैत । राष्ट्रिय प्रजातन्त्र पार्टीका कार्यकर्ताले झापाको मेचीनगर र बाह्रदशीमा आज साँझ राँके जुलुस प्रदर्शन गरेका छन् ।
पार्टीका जिल्ला अध्यक्ष केशवप्रसाद ओझाले मेचीनगरको चारआली र बाह्रदशीको राजगढमा राँके जुलुस प्रदर्शन गरिएको बताउनु भएको छ ।
सरकारले पार्टीका उपाध्यक्ष रविन्द्र मिश्र र महामन्त्री धवल शमशेर जबरालाई झुठ्ठा मुद्धामा फँसाएको भन्दै राप्रपाले विरोधमा जुलुस निकालेको जनाएको छ ।
जुलुस निकाल्ने राप्रपा कार्यकर्ता र प्रहरीबीच केहीबेर नोकझोक भएको थियो । प्रहरीले राँको खोस्ने प्रयास गरेको थियो ।
जुलुसको क्रममा राप्रपा कार्यकर्ताले सरकार र गणतन्त्र विरोधी नाराबाजी गरेका थिए ।
