विद्युतीय भुक्तानी गर्ने उपभोक्तालाई अब दश प्रतिशत प्रोत्साहन रकम

भद्रपुर । आन्तरिक राजस्व कार्यालय भद्रपुरले उपभोक्तालाई मूल्य अभिवृद्धि करमा लाग्ने वस्तु तथा सेवा खरिदमा विद्युतीय माध्यमबाट भुक्तानीका लागि प्रोत्साहन गर्न बुधबार अन्तरक्रिया कार्यक्रम गरेको छ ।

काठमाडौं बाहिर पहिलोपटक चन्द्रगढीमा गरिएको कार्यक्रममा कार्यालयले कम्प्यूरबाट विलिङ अनुमति लिएका करदाताहरुलाई अन्तरक्रिया कार्यक्रमको आयोजना गरी सो बारे जानकारी गराएको आन्तरिक राजस्व कार्यालय भद्रपुरका प्रमुख कर अधिकृत युवराज श्रेष्ठले बताए ।

उनले करदातालाई आयकर, मू.अ.कर र अन्तशुल्क कर सम्बन्धी बक्यौता तथा विवरण भए तुरुन्त दाखिला गर्न आग्रह गरे । प्रमुख श्रेष्ठले यही फागुन १५ गतेबाट झापामा विद्युतीय माध्यमबाट भुक्तानी गर्ने करदातालाई प्रोत्साहन स्वरुप भुक्तानीको १० प्रतिशत रकम उपभोक्ताकै बैंक खातामा फिर्ता हुने जानकारी दिए ।

कार्यक्रममा कर अधिकृत निराज पोखरेलले १० प्रतिशत मू.अकर फिर्ता सम्बन्धी प्रक्रियाका बारेमा करदातालाई प्रस्ट पार्दै यसलाई कार्यान्वयनमा ल्याउन उपभोक्ताको विशेष भूमिका रहने बताए । श्रेष्ठले यस अघि पनि करदाताहरुसँग विभिन्न विषयमा अन्तरक्रिया गर्ने र उनीहरुसँग सल्लाह सुझाव लिँदै आएका छन् ।

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज
%d bloggers like this:
%d bloggers like this: